Ashish Jose Ambat - സ്വവര്‍ഗ്ഗാനുരാഗത്തിനുള്ള ചികിത്സ
https://www.facebook.com/ashishjoseambat/posts/1703894686361143 Ashish Jose Ambat May 13, 2018 · സ്വവര്‍ഗ്ഗാനുരാഗത്തിനുള്ള ചികിത്സ- ഇല്ലാത്ത രോഗത്തിന് വല്ലാത്ത ചികിത്സ നല്‍കുമ്പോള്‍ തകര്‍ന്നു അടിയുന്ന സാധുമനുഷ്യരുടെ ജീവിതങ്ങള്‍. മനുഷ്യചരിത്രത്തില്‍ രണ്ടാംലോക മഹായുദ്ധത്തോളം ഭീകരമായ ഒരു യുദ്ധം ഉണ്ടായിട്ടില്ല എന്ന് പറയാം. നാസി ഫാഷിസവും മനുഷ്യകുലവും ആയി നേരിട്ട് നടത്തിയ പോരാട്ടമായിരുന്നു അത്. ബ്രിട്ടാനിക്ക വിശ്വവിജ്ഞാനകോശത്തിലെ വിവരങ്ങള്‍പ്രകാരം അഞ്ചുകോടിയോളം മനുഷ്യരാണ് നിഷ്ഠുരമായി യുദ്ധപാതയില്‍ കൊല്ലപ്പെട്ടത്. പരമോന്നത തലവന്‍ ആയി അവരോധിക്കപ്പെട്ട അഡോള്‍ഫ് ഹിറ്റ്ലറിന്‍റെ നേതൃത്വത്തില്‍ നാസി ജര്‍മ്മനി തങ്ങളുടെ ശത്രുരാജ്യങ്ങള്‍ ആയി പ്രഖ്യാപിച്ച ബ്രിട്ടന്‍, ഫ്രാന്‍സ്, സോവിയറ്റ് യൂണിയന്‍, അമേരിക്ക തുടങ്ങിയ രാജ്യങ്ങളിലെ ജനങ്ങളോട് മാത്രമല്ല തങ്ങളുടെ സ്വന്തം രാജ്യാതിര്‍ത്തിയില്‍ താമസിച്ചിരുന്ന യഹൂദജനങ്ങളും, ജിപ്സികളും ആയിരുന്ന ലക്ഷക്കണക്കിന്‌ മനുഷ്യരുടെ നേരെയും ദുഷ്പ്രഭുത്വമായി നരനായാട്ട് നടത്തി. ഇതര ലോകശക്തികള്‍ തങ്ങളുടെ കര-നാവിക-വ്യോമ സേനകളുടെ ബലത്തില്‍ പ്രതിരോധം